Dita e sotme do të jetë me temperatura të larta, por duket se ka një lajm të mirë.
I nxehti ekstrem që ka përfshirë Europën do të largohet gjatë fundjavës, kur do të nisë edhe normalizimi i temperaturave.
“Vala e të nxehtit “Lucifer” tërhiqet të premten nga Europa duke i lënë vend normalitetit termik të muajit gusht”, bën të ditur Meteoalb.
Sipas sinoptikanëve, gjatë ditës së sotme, temperaturat do të jenë jo më shumë se 38 gradë, ndërsa të martën parashikohet një rënie e lehtë me 1 ose 2 gradë.
Pas datës 10 gusht, sipas Meteoalb, temperaturat do të jenë në nivelin e 32 gradë. /tesheshi.com/
