Një efektive policore në Elbasan, Anisa Kostani, e cila njihet për bashkëjetesën e saj me gjarpërinj, e që gjithashtu ka pamje që nuk korrespondojnë me një ligjzbatuese me uniformë blu, është pezulluar nga detyra me urdhër të shefit të saj të madh, Gledis Nano. Shkak është bërë një status i saj në rrjete, ku sulmonte gazetarët dhe mbronte punën e Policisë së Elbasanit.
“Policia Elbasan nuk ka qenë asnjëherë kaq aktive sa sot, nuk ka pasur asnjëherë kaq arritje sa sot, po ç’kërkoni ju? Zero vrasje, zero plagosje, zero do lloj krimi tjetër vetëm në parajse ka; nëse e keni me qejf jeni të lirë të shkoni, por kujdes mos digjeni ne Ferr rrugës!
E nëse do t’ju drejtohesha dhe Unë me të njëjtin fjalor si ju,edhe pse s’ma lejon etika, por po e bëj sepse s’po mbaj rezerva me ju të degjeneruar; i keni pas profesorët Don Juan-a që ju kanë dhënë shkollën, sepse me e pas marrë me meritë, të paktën do dinit te artikuloheshin dhe mos te paragjykonit, por të shihnit statistikat dhe te vinit me nje gjykim. E kjo quhet punë, jo ‘llogjet e kafeve’ që shkarravisni ju si kodra pas bregut lart e poshtë neper rrjete sociale, mendoj për të vetmen arsye që të merrni pak vëmendjen e munguar”, shkroi ajo ndër të tjera.
Nuk dihet më tej se cili do jetë fati i Anisa Kostanit në Policinë e Shtetit. /tesheshi.com/
