Vjen dhe problemi i parë për ministrin “teknik” të Rendit, Dritan Demiraj. Një video e publikuar e kap atë në errësinë e natës duke kundërshtuar një grup prokurorësh që sipas një vendimi hetimor të sekuestrojnë 12 prozhektorët e përdorur në mitingun e PD-së, për të cilët dyshohet se kanë lëshuar gazin misterioz që acaroi më shumë se 100 përkrahës të saj opozitës në mitingun e së shtunës.
Video është publikuar filimisht nga TV Klan dhe në të paraqitej ministri që u kërkon policëve të thyejnë urdhrin e prokurorit dhe të marrin për ekspertizë vetëm një nga prozhektorët, pasi sipas kreut të Rendit bllokohet aktiviteti, siç thotë “i subjektit politik”.
Dhe ky subjekt, është as më shumë e as më pak por partia që e ka propozuar Demirajn për Ministër të Brendshëm, përkatësisht PD.
Ndërsa në kampin tjetër, mediat pranë PS-së e akuzojnë Demirajn se po përsërit precedentin e 21 janarit kur policia ndaloi prokurorinë që të hetonte lirisht mbi vrasjet e 4 qytetarëve. /tesheshi.com/
