Tejkalohet pengesa e fundit: Turqia heq vizat për qytetarët e BE-së

Turqia ka pranuar të heqë vizat për të gjithë shtetasit e BE-së, përfshirë grekët e Qipros, duke kapërcyer kështu njërën prej pengesave të fundit për heqjen e vizave për qytetarët turq që dëshirojnë të udhëtojnë për në Europë, lajmërojnë agjencitë informative.

Qeveria turke ka aprovuar natën vonë vendimin mbi heqjen e vizave për 28 vende të BE-së në atë moment kur Europa nga ana e saj të fusë në fuqi zbatimin e liberalizimit të vizave me Turqinë.

Edhe pse heqja e vizave do të zbatohet dhe për grekët e Qipros, zyrtarët turq kanë bërë me dije se kjo nuk nënkupton njohjen e Qipros nga ana e Turqisë, njofton Reuters.

Agjencia britanike e lajmeve kujton se liberalizimi i vizave me Turqinë, shtetin musliman me 75 milion banorë, ka qenë një prej çështjeve më të diskutueshme në mesin e vendeve të BE-së. Brukseli kërkon që t’i japë zgjidhje kësaj çështjeje, me qëllim që t’i përmbahet marrëveshjes me Turqinë në lidhje me emigrantët. /tesheshi.com/