Partia Demokratike ka vendosur ta vijojë betejën e saj politike me në qëndër Teatrin Kombëtar.
Pas marrëveshjes së arritur mes kryebashkiakut Veliaj e atij komuniteti artistësh që ishin kundër prishjes së godinës ekzistuese, ku pika që bashkoi palët ishte moscenimi i territorit të teatrit për ndërtime kullash, ku pra të ishte vetëm teatri i ri, nga selia blu është e kundërta.
“Edi Rama dhe Erion Veliaj e kanë mbajtur të fshehtë deri më sot projektin e kompanisë së tyre private, që do të shkatërrojë Teatrin Kombëtar dhe do të ndërtojë 6 kulla në qendrën historike të kryeqytetit…”.
“…harta tregon qartë se projekti i Edi Ramës për shkatërrimin e Teatrit, parashikon ngritjen e 3 kullave në territorin e Teatrit Kombëtar”, tha deputetja Albana Vokshi.
Sipas saj, “prej më shumë se dy javësh, Kryetari i Bashkisë refuzon kërkesën e opozitës për të dhënë shpjegime në Komisionin Parlamentar, si dhe refuzon të përmbushë detyrimin ligjor për të dhënë informacion me shkrim rreth projektit të propozuar nga kompania ‘Fusha’’. /tesheshi.com/
