A e dini se është e mundur të pikturosh me dritën e diellit? Kjo teknikë quhet pirografi dhe ka të bëjë me ngjyrosjen e drurit në përmjet djegies.
Në të vërtetë, për të vënë në praktikë këtë teknikë përdoren instrumente specifike, por ka edhe nga ata si Jordan Mang-osan, i cili preferon të përdorë dritën e diellit, e cila kalon përmes një lenteje zmadhuese.
Ai pikturon përgjithësisht peizazhe, duke nisur fillimisht nga pikturimi i idesë që ka në kokë, nëpërmjet një lapsi, në dru. Më pas pozicionon lenten e zmadhimit dhe nis procesi i djegie nga dielli.
Siç mund të kuptohet lehtësisht, bëhet fjalë për një punë që kërkon një kohë shumë të gjatë dhe për të përfunduar një vepër, nevojiten muaj të tërë.
Karriera e Jordan, sot një artist i afirmuar, nuk ka qenë aspak e thjeshtë. I është dashur të punojë fillimisht si grafist për një kohë të gjatë, deri sa e shndërroi këtë art në punën e tij të vetme. Nuk është shumë i dhënë pas famës, por kërkon që suksesi ti lejojë që etnia e tij, Igorotët, të cilët jetojnë në Filipine dhe Australi, të njihen nëpër botë./tesheshi.com/
