Më të ndarë se kurrë, dy krerët e lartë të politikës kosovare, Thaçi e Haradinaj, njëri president e tjetri kryeministër, uruan fitoren e shqiptarëve në Komunën Tuz në Mal të Zi, duke veçuar pikërisht atë që nuk e bëjnë vetë, bashkimin.
“Rezultati i zgjedhjeve në Tuz është fitore mbarëshqiptare. Është shembulli më i mirë se çfarë mund të arrijnë shqiptarët kur janë të bashkuar rreth një ideali. Urime Forumit Shqiptar!”, shkruan Thaçi.
“Bashkimi në koalicion i subjekteve politike shqiptare, fitoi të drejtën për të qeverisur me Tuzin. Një shembull i shkëlqyer se uniteti i faktorit shqiptar sjell suksesin. Urime shqiptarëve të Tuzit për këtë fitore historike”, shkruan Haradinaj. /tesheshi.com/
