Gjykata Themelore në Shkup ka vendosur masën e paraburgimit 30 ditë për 5 nga 37 të ndaluarit, lidhur me ngjarjen e 27 prillit në Kuvendin maqedonas. Ndërsa për dy prej të ndaluarve u dha masa e arestit shtëpiak.
Për të tjerët priten vendimet orët në vijim. Mes atyre që do jenë në paraburgim është dhe ish-agjenti i policisë, Munir Pepiç me origjinë boshnjake, emri i të cilit është përmendur dhe te “bombat” e Zaevit.
Dëshmitarë okularë kanë thënë se Pepiç është parë duke godur deputetin Pavle Bogoevski. I quajtur dhe si “inspektori i tmerrshëm”, Pepiç thuhet se ka përndjekur dhe veprimtarë shqiptarë.
Ndalimet e djeshme shkaktuan zemërimin e krerëve të VMRO-së, mes tyre dhe të kreut Gruevski, i cili ftoi përkrahësit që të dalin e të protestojnë në rrugë. /tesheshi.com/
