Një foto prekëse azilantësh nën terror po qarkullon me të madhe në rrjetet sociale, shoqëruar dhe një morri komentesh. Ajo i përket incidenteve të ditëve të fundit në kufirin greko-maqedon, ku policia maedonase ndërhyri brutalisht kundër tyre, pa llogaritur dhe të vegjlit e foshnjat në rradhët e tyre. Dhe ka prej atyre që fajësojnë politikat e BE-së në këtë rast, por dhe përgjithësisht të faktorit ndërkombëtar, si për dështimin në zgjidhjen e konfliktit apokaliptik sirian, që tashmë ka prodhuar dhe një demon me plot dilema konspirative, siç është ISIS-i; e si për keqmenaxhimin e valës së madhe të azilanëteve që u kanë mësyrë vendeve të perëndimit, e sidomos Gjermanisë.
Dhe statusi më interesant në këtë rast që ka brenda fantazi, cinizëm e humor (të zi) bashkë, është ky: “Moj BE ta lumsha syrin. S’guxon kush me t’prek kufirin”. I përket profilit të personit me emrin Xhelal Ndreka.
Në fakt Maqedonia nuk është vend i BE-së, për të cilën mund të akuzohet unioni europian për dhunën e shpërthyer ndaj emigrantëve nga Lindja, por padyshim që është diçka e rëndë që ndodh në hapësirën e saj influente, derisa është Greqia anëtarë e BE-së, fqinji i Maqedonisë, ku po konsumohet drama e tyre. /tesheshi.com/
