Krizës së refugjatëve në kufirin e Maqedonisë i janë përgjigjur edhe shtetet e rajonit. Telefonatat dhe bisedimet mes liderëve të tyre kanë pasur në qendër krizën, ndërsa ministrja e Jashtme kroate, Vesna Pusiç apeloi për ndihmë urgjente.
“Maqedonisë dhe refugjatëve që gjenden në zonën kufitare midis Greqisë dhe këtij vendi duhet që t’i ndihmohet, dhe Kroacia do ta bëjë këtë gjë”, deklaroi Pusiç.
Ajo tha se do ta ngrejë çështjen gjatë takimit të vendeve të Ballkanit Perëndimor të enjten në Vjenë. Në samit marrin pjesë edhe Sllovenia, Austria dhe Gjermania, por ndihmë do të kërkohet edhe në takimin e ministrave të BE-së në Luksemburg, më 4 Shtator.
Ndërkaq, alarmi i shkaktuar nga fluksi i madh i emigrantëve në kufirin maqedonas, edhe Ushtria bullgare do të vendoset në kufirin që ndan me dy shtete, Greqinë dhe Maqedoninë.
Autoritetet bullgare thanë se do të propozojnë masa konkrete që të sigurojnë kufirin. /tesheshi.com/
