Treshja e Mini-Shengenit” ballkanik, Vuçiç-Rama-Zaev, dolën në një konferencë për shtyp për të rishpallur e ridetajuar vizionin e tyre të bashkëveprimit rajonal, e kjo pas takimit të dytë në Ohër.
Fillimisht, a qenë kryeministri Rama që bëri një korrigjim në emërtim
“Nuk është një ‘mini-Shengen’ por ‘Wester Balkan Schengen’. Mua nuk më konvenvon. Nuk di kush e shpiku”, tha Rama, ku duke u përqëndrua te Kosova, shpalli: “Kufiri mes Shqipërisë dhe Kosovës duhet të zhduket”.
Kritik ndaj “Jo”-së kosovare, Rama tha se ajo po gabon dhe argumentoi pse, duke nisur me rastin e Preshevës.
“Pse për njohjen e diplomave duhet të presin edhe 5-10 vite të tjera. U kam premtuar shqiptarëve të Preshevës që të përgatiten se diplomat e tyre do të njihen, po për ata kush mendon? Duke u përjashtuar? Unë besoj se paqja është e ndërlikuar, por ia vlen. Bashkëpunimi me ‘armiqtë’, i vështirë, por i rëndësishëm që ato që vijnë pas të mos trashëgojnë armiqësi. E di shumë mirë që çfarë do të vazhdojë, por asgjë nga këto nuk është as e papritur dhe as e pathënë më parë. E kam predikuar bashkëpunimin rajonal, që ditën e parë kur kam ardhur në pushtet. Sa më shumë mundësi të kenë njerëzit, aq më shumë potencial do të ketë për zgjidhjen e konflikteve”, tha Rama, duke shtuar se në takimin e ardhshëm në Durrës, pret që Kosova të ndryshojë mendje.
“E konsideroj domosdoshmëri praninë e Kosovës në Durrë. Kush mendon se pëlqyeshmëria që mund të marrë dot me patriotizmin e FB, gabon. Është mirë që të jemi së bashku, t’i ndajmë në tyre opinionet tona, se në fund cilësia e jetës varet nga mënyra se si nuk bie dakord, mënyra më e mirë është ajo që nuk cenon bashkëpunimin e përbashkët. S’mund të ketë një proces ku njëra palë fiton, tjetra humbet”, theksoi shefi i qeverisë shqiptare.
Nga ana tjetër, presidenti Vuçiç nuk ju qas mungesës së Kosovës në projektin rajonal, por e vlerësoi maksimalisht atë, edhe pse tha se e ka pësuar elektoralikisht nga një inisiativë e tillë.
“Unë shoh se Rama është në presion. Gjatë fushatës më fajësuan se po ndërtoj një Shqipëri të madhe dhe mora 12 herë më pak vota. Jam krenar për këtë që po bëjmë. Këtu kemi vetëm një jetë më të mirë që të punojmë më mirë për të shmangur urrejtjen”, tha Vuçiç.
Ndërkohë, Zaev qe më konkret: “Plani parashikon lëvizjen e lirshëm, me kartë ID të qytetarëve të këtij rajoni. Paraqesim një ëndërr për qytetarët e vendeve tona, një Ballkan të ri Perëndimor, me më shumë investime për të rinjtë. Ftohen 6 vendet e tjera të Ballkanit për të bërë më shumë për axhendën europiane. Në këto rrethana, duhet të pajtohemi se Ballkani po ndryshon. Një nismë e tillë përcjell mesazhin se mbështetemi dhe nga partnerët ndërkombëtarë”, u shpreh shefi i qeverisë së Shkupit. /tesheshi.com/
