Eurodeputetja dhe Kryetarja e Komitetit të Stabilizim-Asociimit në BE, Tanja Fajon, tha se nuk ka vend në Evropë për mohuesit e krimeve.
Këto komente, eurodeputetja i bëri gjatë promovimit të librit “Porta e Tuzlës – Tragjedia e Kurdisur”, një libër i Ilija Brankoviç që flet për kohën e luftës në Bosnje. Libri u promovua në ambientet e shtëpisë ushtarake në Beograd, dhe ishte organizuar nga Ministria e Mbrojtjes e Serbisë.
“Çdo hap pozitiv drejt pajtimit në Ballkan është i rëndësishëm. Por mohimi i gjenocidit të Srebrenicës dhe gjithçka që synon promovimin e përçarjeve, konflikteve, tensioneve shtesë, nacionalizmit – nuk ka vend në Evropë, “tha Fajon për Radiosarajevo.
Fajon shtoi se të gjithë ata që donin t’i bënin vend mohuesve dhe kryesve të krimeve, do të duhet të marrin përgjegjësinë për stabilitetin në rajon. /tesheshi.com/
