Një tajfun i dhunshëm ka goditur bregdetin lindor të Tajvanit, me erëra të forta dhe me shira të rrëmbyeshëm. Një person ka ngelur i vdekur dhe 66 të tjerë janë plagosur. Është pezulluar lëvizja e trenave, avionëve dhe anijeve, ndërsa mbi 15 mijë persona janë evakuuar.
Rreth 270 mijë shtëpi kanë ngelur pa drita. Tajfuni Nepartak ka arritur kontenë Taitung përpara se Qendra Meteorologjike të lajmëronte banorët e zonës.
Momentalisht tajfuni është duke u spostuar në drejtim të veriperëndimit, me 13 kilometra në orë, por ekziston frika se mund të vazhdojë të shkaktojë rrëshqitje të tokës dhe përmbytje.
500 fluturime janë anuluar dhe të tjerë kanë vonuar nisjet e tyre. Tajfuni mendohet të arrijë brenda të shtunës në mëngjes në bregun lindor të Kinës. /tesheshi.com/
