Saimir Tahiri i kërkon Kryeprokurorit të Republikës që të hetojnë akuzat nfdaj tij, të hedhura nga opozita dhe një ish-oficer policie i cili ndodhet nën hetim për bashkëpunim me trafikantët.
Tahiri, është takluar me Prokurorin e Përgjithshëm, Adriatik Llalla, në zyrën e ministrit të Brendshëm.
Takimi mes dy zyrtarëve ka nisur rreth orës 17:00 dhe ka zgjatur për 40 minuta. Në fund të tij, ministri Tahiri, duke iu përgjigjur interesimit të gazetarëve tha se akuzat e hedhura në publik në drejtim të tij do të jenë objekt hetimi nga organi qendror i akuzës.
“Kërkova që Prokuroria të nisë hetimet për gjithçka është hedhur në publik nga politika dhe ish-oficerë të policisë. Ajo që më intereson më shumë në këto momente është që të hetojnë institucionet. Politika të heshtë dhe të flasë atëherë kur të kenë përfunduar hetimet”, tha Tahiri. /tesheshi.com/
