Ministri i Brendshëm, Saimir Tahiri, ka reaguar pas deklaratës së kryeparlamentarit Ilir Meta për kanabisin.
Tahiri ka theksuar se ndan plotësisht opinionin e Metës, që kanabisi nuk luftohet duke iu shmangur të vërtetës.
Ndërsa ka fajësuar për këtë të fundit Partinë Demokratike, që sipas tij, çdo ditë i shmanget qëllimisht të vërtetës se kanabisi ishte një fenomen i kudondodhur.
Ja reagimi i plotë i Tahirit në Fb:
“E ndaj plotesisht opinionin e kryetarit te Kuvendit qe kanabisi nuk luftohet duke i’u shmangur te vertetes, gje qe Partia Demokratike po e ben fatkeqesisht çdo dite!
Kush ben sot sikur çuditet, i shmanget qellimisht te vertetes se kanabisi ishte nje fenomen i kudondodhur, por i fshehur nga syte e publikut deri ne vitin 2013, nga nje qeveri e polici qe mjaftohej me komunikata sekrete per rrenjet anembane Shqiperise, dhe garantonte fitimet marramendese te Republikes se Lazaratit!
Ndersa kush çuditet pafajesisht sot nga ky fenomen, eshte viktime e asaj politike te vjeter qe i shmangej perballjes me fenomenin duke e mbajtur jashte vemendjes se opinionit e te mediave! Ilir Meta ka shume te drejte kur thote se duhen degjuar edhe nderkombetaret.
Kane folur shume qarte per vite me radhe, ndaj sot eshte inkurajim i madh cdo germe e raporteve te Departamentit te Shtetit dhe Gurdia di Finanza-s te cilat e kane cilesuar luften tone te tanishme shume shkoqur; ‘rezultate mbreselenese, fale angazhimit te lidershipit politik’.
Natyrisht qe kjo eshte nje lufte qe eshte larg se qeni e fituar, por sic do te tregojne faktet e shifrat qe kemi bere publike e do bejme ne vazhdim se bashku me partneret tane nderkombetare, eshte nje lufte me rezultate qe deri perpara tre vitesh as qe mund te parafytyroheshin”.
/tesheshi.com/
