Saimir Tahiri, i është përgjigjur akuzave të opozitës por edhe ata që i janë bërë nga media pranë së majtës siç është gazeta “Dita”.
Me anë të një postimi në Facebook, Tahiri thekson se akuzat e ish-oficerit të policisë nuk qëndrojnë dhe ata janë bërë vetëm e vetëm që ish-zyrtari të marrë azil politik si i përndjekur nga shteti nga një vend i BE-së-
Tahiri thekson se Dritan Zagani është në kërkim për dekonspirimin e aksioneve të policisë.
Ndërkohë akuzave që i vijnë nga media pranë mazhorancës Tahiri i përgjigjet në mënyrë lakonike: Nuk tërhiqem mprapa në luftën time ndaj trafikut të drogës.
Duke iu referuar deklaratave të Zaganit, Ministri i Brendshëm thekson se “një ish-oficer policie është në kërkim për dekonspirim të operacioneve të Policisë së Shtetit kundër drogës, por ndodhet në arrati për të mos u përballur me drejtësinë dhe në pritje që të marrë azil në një nga vendet e BE-së, i cili jep intervista si i përndjekur nga shteti dhe simulon censurime të tyre për të forcuar pozitën e tij si pretendent për azil politik, na është shpallur nga opozita hero i kohës sonë! Aq më keq akoma, kësaj farse të pashembullt që provon për të kushedi se satën herë degradimin e PD në një gjiriz mediatik që qelb Shqipërinë, i bëjnë jehonë edhe kanale mediatike që mbetet plotësisht mister për t’u zbardhur se me çfarë fondesh financohen”..
Në fund, ministri Tahiri deklaron “nuk do të bëj asnjë milimetër mbrapa në rrugën time të vendosur kundër krimit dhe trafikut të drogës”. /tesheshi.com/
