Sajmir Tahiri, ish-ministër i Brendshëm, dëshmoi sot në gjyqin ndaj Emiljano Shullazit, i cili akuzohet se ka kërcënuar profesorin Mynyr Koni, gjatë garës për postin e Rektorit të Universitetit të Tiranës.
Tahiri në dëshminë e tij tha se ngjarjen e kishte marrë vesh nga një koment në rrjetet sociale nga ish-kryeministri Sali Berisha, duke pyetur sepse ai nuk thirret për të dëshmuar në sallën e gjyqit.
Por pas kësaj deklarate, edhe Emiljano Shullazi kërkoi thërritjen si dëshmitar të Berishës.
Ndërkohë kreu demokrat Lulzim Bashë në një reagim tha se kërkesa të tilla bëhen për të tërhequr vëmendjen nga krimi dhe trafiqet.
Por, duke iu përgjigjur Bashës, ish-ministri i Brendshëm në një postim që ka bërë në profilin e tij në Facebook shpreh keqardhje për organin e akuzës në vend që sipas tij e ka politizuar këtë gjyq, ndërsa kërkon edhe dënimin e kujtdo që ka kërcënuar kandidatin për rektor ne Universitetin e Tiranës, tashmë të votuar si të tillë, Mynyr Konin.
“Mirëprita thirrjen e Gjykatës për të dëshmuar. Keqardhje për lojën e Prokurorisë për të bërë politikë me një proçes gjyqësor që duhet të përfundojë me dënimin e kujtdo që ka kërcënuar kandidatin për rektor. Keqardhje akoma në shumë për Lulezim Bashën që me sulmet politike, po i bën nderin më të madh krimit. Shqipëria do bëhet më e drejte, kur lojrat politike të lënë drejtësinë të bëjë drejtësi”, shkruan Tahiri. /tesheshi.com/
