Ish-Presidenti i Serbisë, aktualisht lideri i opozitës së moderuar, Borid Tadiç, akuzoi qeverinë në pushtet se krijon tensione ndërentike dhe ndërshtetërore artificiale për të ndërmarrë më pas “politika pajtimi dhe mirëkuptimi”.
Duke folur për gazetën Danas, Tadiq tha se aktualisht situata në rajonin e Ballkanit është më keq se në vitet ‘90.
“Kjo qeveri vetëm po e simulon pajtimin. Ajo po e shet pajtimin si mall që tregtohet në pazarin e propogandës. Jemi nësoj si n ë mentalitetin e kohës së Sllobos, kur këta që janë sot në pushtet ishin ndihmës të tij. Ndryshimi i vetëm është fakti se tani situatat ndërkombëtare janë krejt të ndryshme”, tha Tadiç. /tesheshi.com/
