Mes njerëzve të zakonshëm, ka prej tyre që nuk e pëlqejnë punën që bëjnë, por e shohin si një mënyrë të fituar jetesën. Por, vjen e habitshme kur dëgjon që edhe në futboll, loja më e preferuar e njerëzve në botë, ka lojtarë që e konsiderojnë thjesht “punë” si gjithë të tjerat. Madje, madje, për disa prej tyre loja më e dashur për milionë njerëz në botë, është edhe e mërzitshme. Megjithatë, kjo punë luhet me pasion, qoftë edhe për shkak të të ardhurave marramendëse që sjell.
“Tesheshi.com”, u sjell disa nga futbollistët që nuk e duan futbollin:
1. Mario Balotelli
Sulmuesi italian tashmë e ka konfirmuar futbollin si punë të tij, duke thënë se “nuk ka nevojë të emocionohemi deri sa jemi duke punuar”. “Unë nuk festoj golat e mi sepse kjo është puna ime. Sikurse një poster kur kryen shërbimin e tij, a duhet të festojë ai?”, është cituar të ketë thënë Mario, pas dy golave ndaj Gjermanisë në Europianin e vitit 2012.
2. Gabriel Batistuta
Argjentinasi mund të jetë pikë reference për shumë futbollistë të rinj, pasi me lojën e tij ka mahnitur të gjithë ndjekësit e futbollit. Por, ajo që kishte deklaruar për një medium spanjoll është për t’u çuditur. “Mua futbolli nuk më pëlqen, ajo është vetëm puna ime”, është shprehur Batistuta.
3. Carlos Vela
Është e qartë, të jesh meksikan duhet të të pëlqejë kinematografia. Por, deklarata e një futbollisti tronditi jo pak. “Në qoftë se duhet të zgjedh ndërmjet një ndeshje futbolli dhe një filmi, une do preferoj ta ndjek filmin”, është deklarata e Carlos Velas.
4. Christian Vieri
Pasioni i njërit ndër sulmuesve më të mirë që ka prodhuar ndonjëherë futbolli italian është kriketi.
“Për të qenë të sinqertë, nuk isha edhe aq i mirë në futboll. Më pëlqente më shumë kriketi dhe kur arrija rezultate të mira në futboll, ëndërroja të bëhesha sikur Allan Border (njëri ndër lojtarët më të mirë të kriketit në botë)”, pati thënë Vieri.
5. David Batty
Mbrojtësi i kombëtares angleze gjatë viteve ‘90, i cili ishte figura kyçe e albionëve në atë periudhë, tani pasi është tërhequr nga fusha, ka dhënë deklarata mjaft të habitshme. “Futbolli anglez është i mërzitshëm. Unë nuk kam qenë për të parë një ndeshje futbolli qëkur jam pensionuar. Unë kurrë nuk kam arritur t’I kuptoj njerëzit që paguajnë për të parë”, është shprehur Batty. /tesheshi.com/
