Kur Novak Djokovic u eliminua papritur në turneun e parë Grand Slam të vitit, në Australian Open, u krijua bindja se këtë herë numri një i botës, britaniku Andy Murray, e kishte të hapur rrugën për ta fituar për herë të parë trofeun e veprimtarisë. Një trofe që nuk e kishte fituar në pesë daljet në finale, me serbin që kishte qenë një pengesë e pakapërcyeshme.
Por nuk qe e thënë që Murray të shkonte gjer në finale. Në raundin e katërt të turneut, ai është nxjerrë jashtë tij me një eliminim spektakolar.
Rafa Nadal i rezistoi dje gjermanit Alexander Zverev, duke fituar 3-2; sot nuk bëri të njëjtën gjë Murray ndaj vëllait të Zverev-it. I 50-ti në renditjen botërore, Mischa Zverev fitoi 3-1 ndaj tenistit më të mirë në botë për momentin.
Dy setet e para ishin të ekuilibruara, të fituara reciprokisht 7-5 dhe 5-7, me gjermanin që fiton 6-2 dhe 6-4 në dy setet e tjera.
Zverev do të ndeshet në çerekfinale me Federer-in apo Nishikori-n, ndërsa Murray duhet të presë vitin tjetër për t’u përpjekur edhe një herë ta përmbushë ëndrrën për të fituar në Australian Open. /tesheshi.com/
