Rikthim i hidhur nga pushimet për kancelaren gjermane Angel Merkel, e cila në një muaj ka humbur afro 10 pikë të mbështetjes ndaj saj, vetëm dy muaj para zgjedhjeve parlamentare.
Në korrik, Merkel kishte 69% të mbështetjes popullore dhe në sondazhin e ri ajo ka 59%. Edhe kandidati i socialdemokratëve për kancelar, Martin Schulz ka humbur 4 pikë, duke arritur në nivelin e 33%.
Të dhënat u komunikuan nga ARD-DeutschlandTrends, një bashkëpunim mes televizionit publik gjerman dhe një instituti të njohur sondazhesh, i cili zhvillon një matje të perceptimit në mënyrë permanente.
Përveç mbështetjes për Merkel, ka rënë gjithashtu edhe niveli i pëlqimit të punës së qeverisë, që arrin shifrën e 47%, ose 8 pikë më pak se një muaj më parë.
Megjithatë, në sondazhe koalicioni ndërmjet Cdu-Csu mbetet subjekti politik me mbështetje më të madhe, rreth 39%, ndërsa Spd fiton një pikë, e arrin shifrën e 24%.
/tesheshi.com/
