Sot në ambjentët e FSHF-së është hedhur shorti për kalendarin e ri futbollistik të sezonit 2015-2016.
Shorti ka përcaktuar çiftet garuese për kampionatin e 77-të në elitën e futbollit shqiptar. Nën interesimin e përfaqësuesve të klubeve që do të marrin pjesë në këtë kampionat dhe të mediave, skuadrat e Superiores kanë mësuar për datat dhe se kur do të ndeshen me kundërshtarët e tyre, njofton Panoram Sport.
Shorti është hedhur nga Sekretari i Përgjithshëm i Federatës Shqiptare Ilir Shulku dhe Drejtori i Departamentit të Garave.
Pas përfundimit të shortit, Sekretari Shulku dha këtë deklaratë për faqen zyrtare të FSHF:
“Prej sot, ka startuar në mënyrë figurative edicioni i ri, për shkak se skuadrat kanë njohur kundërshtarët dhe datat dhe nisin të bëjnë planet e tyre. Urojmë që ky edicion, të ketë cilësinë dhe rivalitetin e atij që sapo u mbyll, madje të një niveli edhe më të lartë”. Sipas sekretarit të Përgjithshëm Ilir Shulku, Kampionati Kombëtar i Kategorisë Superiore do të fillojë më datë 22 gusht. /tesheshi.com/
Më poshtë ju paraqesim kalendarin.
