Policia federale gjermane ka sekuestruar superjahtin më të madh në botë, pasi një hetim zbuloi se ishte në pronësi të motrës së oligarkut rus të sanksionuar Alisher Usmanov.
Jahti Dilbar vlen 600 milionë dollar, lundron nën flamurin e Ishujve Kajman dhe është i regjistruar në një kompani në Maltë – një parajsë fiskale e preferuar nga ultra të pasurit për të fshehur pasurinë e tyre.
Autoritetet gjermane thanë se kishin përcaktuar se jahti ishte në pronësi fundore të motrës së Usmanovir, Gulbakhor Ismailova.
Usmanov është një manjat telekomunikacioni që zotëron vilën 48 milionë funte, Beechwood House në Highgate, Londër dhe pronën e shekullit të 16-të, Sutton Place në Surrey, dhe ka pasur interesa të rëndësishme në klubet angleze të futbollit Arsenal dhe Everton.
Ai u sanksionua nga Mbretëria e Bashkuar muajin e kaluar, ndërsa Bashkimi Evropian dhe Shtetet e Bashkuara e kanë bërë këtë më parë.
Ismailova dhe një tjetër nga motrat e Usmanovit, Saodat Narzieva, ishin gjithashtu subjekt i sanksioneve nga Mbretëria e Bashkuar dhe Bashkimi Evropian. /tesheshi.com/
Shikoni se çfarë luksi gëzonte rusi i sanksionuar:
