Ushtria ruse dhe ajo amerikane do të mbajnë bisedime sa më shpejt të jetë e mundur për të shmangur përplasjet në Siri, thanë kryediplomatët e dy vendeve. Zyrtarët rusë të mbrojtjes konfirmuan se avionët e tyre ndërmorrën rreth 20 sulme ajrore kundër grupit ISIS të mërkurën.
Por, amerikanët shprehën druajtjen se objektivat ishin ato të kundërshtarëve të aleatit të Rusisë, presidentit sirian Bashar al Assad.
Shtetet e Bashkuara ka muaj që kryejnë sulme ajrore mbi ISIS si në Siri ashtu edhe në Irak. NATO nga ana e saj, theksoi se kishte shumë pak koordinim me forcat e koalicionit të drejtuara nga SHBA-ja gjatë sulmeve ruse të së mërkurës. Amerikanët u njoftuan vetëm një orë përpara nisjes së sulmeve.
Gazetat “The New York Times” dhe “Wall Street Journal” raportuan se rusët sulmuan kryengritësit e mbështetur nga amerikanët.
Ende nuk mund të verifikohet ky pretendim, port ë dhënat e ditës së sulmeve tregojnë se ka shumë gjasa të ketë ndodhur ajo që raportojnë gazetat, pasi sulmet ndodhën në vende nuk nuk ka prani të ISIS. /tesheshi.com/
