Avionët luftarakë kanë patur sot në shënjestrën e tyre mes objektivave të tjerë dhe një kompleks shkollor në Has, në provincën e Idlibit.
Më tepër se 20 njerëz humbën jetën nga këto sulme ajrore mbi fshatin e kontrolluar nga kryengritësit në veriperëndim të Sirisë, shumë prej të cilëve qenë fëmijë.
Ndërkohë që nuk është e qartë nëse ishin avionë rusë apo të regjimit sirian ato që bombarduan, sipas raportimit të BBC-së, sulmi ka qenë i furishëm.
Helmetat e Bardha thanë se në objektiv ishte kompleksi i përbërë nga tre shkolla. Observatori Sirian për të Drejtat e Njeriut raportoi për 22 të vrarë, 14 prej të cilëve fëmijë, e një mësues.
Sulmi është kryer ndërkohë që Siria dhe Rusia kanë deklaruar se do të vazhdojnë një ndërprerje të bombardimeve ajrore mbi pjesën lindore të Halepit, që mbahet e rrethuar. /tesheshi.com/
