Xhamia shiite në Kudeih, në Arabinë Saudite, ka rënë pre e një atentati kamikaz, ku rreth 100 besimtarë kanë qenë duke u lutur. Të paktën 20 persona kanë humbur jetën dhe 50 të tjerë janë plagosur.
Televizioni libanez al-Manar ka transmetuar sot pamje me të vërtetë të rënda të ngjarjes, ku dyshemeja duket e lyer me gjak dhe ka copa xhami e qelqesh gjithandej.
Shpërthimi – Xhamia e Imam Ali di Kudeih ndodhet në provincë orientale të Qatifit dhe është zemra e minorancës shiite, e cila prej kohësh ankohet se është marxhinalizuar për shkak të traditës suni.
Gjatë kohëve të fundit, policia saudite ka arritur të shpërbëjë një qelizë të lidhur me shtetin islamik, e dyshuar si shkaktare e rritjes së tensioneve mes dy komuniteteve fetare në rajonin oriental.
Nëntorin e shkuar, shtatë persona, mes së cilëve edhe disa fëmijë, u vranë gjatë një feste fetare. Nëse arrihet të konfirmohet, ky do të jetë rasti i parë terrorist në Arabinë Saudite. /tesheshi.com/
