Vadim Gigin, me origjinë bjelloruse, konsiderohet si propaganduesi kryesor i Vladimir Putinit dhe është sanksionuar nga BE për qëndrimin e tij në zgjedhjet Bjelloruse të vitit 2010.
Arnold Schwarzenegger u vu në shënjestër nga ky prezantues televiziv shtetëror rus disa ditë pas një video prekëse që ai postoi në mediat sociale duke i kërkuar Vladimir Putinit “të ndalonte këtë luftë” dhe duke u thënë ushtarëve rusë se jeta e tyre po “sakrifikohej për një luftë absurde që po dënohet nga e gjithë bota.”
Ndaj, Vadim Gigin, prezantues i mbrëmjes së së dielës me Vladimir Solovyov në ONT, nisi një sulm ndaj aktorit të famshëm dhe ish-guvernatorit të Kalifornisë, duke thënë se “ky person është faqja e parë e imperializmit dhe kolonializmit amerikan.
Gigi, me origjinë nga Bjellorusia, është sanksionuar nga BE në të kaluarën. Konkretisht, atij iu ndalua udhëtimi, ndërsa nga viti 2011 deri në vitin 2016, pasuritë e tij u ngrin pas qëndrimit të tij për zgjedhjet bjelloruse të vitit 2010.
Duke shpallur sanksionet, Këshilli i BE tha se Gigin ishte “një nga anëtarët më të fuqishëm të makinerisë së propagandës shtetërore në median e shkruar” dhe se ai “mbështeti dhe justifikoi shtypjen e opozitës demokratike”.
Videoja nëntë minutëshe nuk u komentua fillimisht nga mediat ruse. Mirëpo, kur ai mori shumë publicitet përmes Telegramit, atëherë filloi komenti i tij nga prezantuesit rusë.
Në një moment të mesazhit të tij, ylli i Hollivudit iu referua peshëngritësit rus Yuri Petrovich Vlasov, të cilin e cilësoi si “heroi i tij”.
“Vite më vonë, isha në Moskë për të xhiruar “Red Heat”, filmi i parë amerikan i lejuar të realizohej në Sheshin e Kuq. Yuri Vlasov dhe unë kaluam gjithë ditën së bashku. Ai ishte një njeri kaq filozofik, kaq i sjellshëm, kaq i zgjuar dhe kaq bujar. Arsyeja pse ju them të gjitha këto është se që kur isha 14 vjeç, nuk kam asgjë tjetër përveç dashurisë dhe respektit për popullin rus.”Unë jam gjithmonë i frymëzuar nga forca dhe zemra e popullit rus,” tha aktori me famë.
Duke komentuar këtë pasazh, Gigin pretendoi se Schwarzenegger nuk e njihte aq mirë “heroin” e tij për të ditur se ai ishte kundër shpërbërjes së Bashkimit Sovjetik, duke shtuar se “Schwarzenegger udhëtoi dy herë në Irak për të mbështetur trupat amerikane dhe kurrë nuk u përpoq t’i tregonte popullit irakian pse po e shkatërronin”. /tesheshi.com/
