Inspektorati Suedez për Produkte Strategjike (ISP) njoftoi të premten se po rilëshon lejet për eksportin e pajisjeve ushtarake në Turqi, duke hequr një embargo që kishte qenë në fuqi që nga viti 2019, raporton Reuters.
Përmbysja politike është e lidhur me përpjekjet e Suedisë për t’u bashkuar me Organizatën e Traktatit të Atlantikut të Veriut (NATO).
Vendi nordik aplikoi për anëtarësim në aleancën ushtarake në fillim të këtij viti pas pushtimit rus të Ukrainës.
ISP-ja e Suedisë filloi lëshimin e licencave të eksportit për tremujorin e tretë, por nuk zbuloi se cilat kompani apo produkte u kishin dhënë dritën jeshile, duke cituar informacione konfidenciale.
Suedia dhe Finlanda kanë ndaluar eksportet e armëve në Turqi pas inkursionit të saj në Siri dhe luftës kundër milicisë kurde siriane YPG. Ankaraja zyrtare e konsideron grupin identik me PKK.
Turqia deklaroi në maj se kishte vënë re një qëndrim pozitiv ndaj heqjes së embargos. /tesheshi.com/
