Prokurorët suedezë thanë të mërkurën se do të gjykojnë dy individëve për djegien e Kur’anit në një seri incidentesh vitin e kaluar që ndezën zemërim në të gjithë botën muslimane.
Ata kryen krime të agjitacionit kundër një grupi etnik ose kombëtar në katër raste të veçanta kur dogjën librin e shenjtë përpara një xhamie dhe në vende të tjera publike, thanë prokurorët suedezë në një deklaratë.
Shërbimi i sigurisë së brendshme të Suedisë ngriti nivelin e alarmit të një reaksioni të mundshëm ndaj aktit, ndërsa Danimarka fqinje, e cila gjithashtu ka parë një valë djegiesh të Kuranit, ka forcuar legjislacionin e saj për të ndaluar këtë praktikë.
“Të dy po ndiqen penalisht sepse në ato katër raste ata bënë deklarata dhe e trajtuan Kur’anin në një mënyrë që synonte të shprehte përbuzjen ndaj muslimanëve për shkak të fesë së tyre,” tha prokurorja e lartë Anna Hankkio në një deklaratë.
Nga ana tjetër, ka nga ata mendje absurde që thonë se Suedia dhe Danimarka, dy nga vendet më liberale në botë, duhet ta trajtojnë djegien e Kur’anit si një formë të fjalës së lirë të mbrojtur me ligj. /tesheshi.com/
