Një stuhi e fortë shiu dhe ere ka përfshirë Pakistanin dhe më konkretisht zonën e Peshawar, duke shkaktuar vdekjen e 40 personave dhe plagosjen 200 të tjerëve.
Lajmi është konfirmuar nga ministri i informacionit duke thënë se shumë ndërtesa janë shembur dhe se ka pasur dëme të mëdha në infrastrukturën e vendit. Shpejtësia e erës ka mbërritur në 120 kilometra në orë.
“Ka qenë diçka e pazakontë dhe e papritur. Të gjithë jemi kapur në befasi”,- ka thënë ministri. Shpesh herë Pakistani bie pre e këtyre lloj furtunash, por përgjithësisht në muajt qershor dhe korrik, jo në këtë sezon.
Të gjitha udhëtimet me avion janë pezulluar në aeroportin e Peshwarit ndërsa parashikohet që reshje të mëdha shiu të vijojnë të bien. Ushtria Pakistaneze ka dërguar skuadrat e shpëtimit në vendin ku ka ndodhur katastrofa, ndërsa kushtet e rrugëve janë tejet të këqija dhe të bllokuara, çka bën të vështirë ndërhyrjen në to./tesheshi.com/
