Studimi: Personat e moshuar që bëjnë ushtrime jetojnë 5 vjet më gjatë

Disa hulumtues thonë se ushtrimet e rregullta në moshë të shtyrë ndikojnë në jetëgjatësi, ashtu siç ndikon lënia e duhanit.

Studimi i 5.700 burrave të moshuar në Norvegji ka treguar se ata që bëjnë tri orë ushtrime në javë jetojnë rreth pesë vjet më gjatë se ata që nuk bëjnë ushtrime.

Autorët e këtij studimi kanë thirrur për të bërë fushata për t’i nxitur të moshuarit që të bëjnë ushtrime.

Ky studim, i cili është bërë nga Oslo University Hospial (Spitalit i Universitetit të Oslos), ka zbuluar se edhe ushtrimet e lehta edhe ato energjike e rrisin jetëgjatësinë.

Një këshillë zyrtare nga Britania e Madhe i rekomandon 150 minuta ushtrime mesatare në javë për personat mbi 65 vjeç.

Shtimi i ushtrimeve

Studimi i personave nga 68 deri 77 vjeçar ka zbuluar se më pak se një orë ushtrime të lehta në javë nuk kanë fare ndikim.

Raporti thotë: “Madje edhe prej atyre që në moshën 73 vjeçare iu bashkangjitën studimit, ata që ishin aktivë jetuan pesë vjet me gjatë se ata që nuk ishin aktivë.”

Për më tepër raporti thotë se aktivitet fizike ishin aq “të dobishme sa edhe lënia e duhanit” sa i përket rritjes së jetëgjatësisë.

“Strategjitë e shëndetit publik te të moshuarit duhet të përfshijnë përpjekjet për t’i shtuar aktivitet fizike së bashku me përpjekjet për ta zvogëluar pirjen e duhanit.”

Ky raport nuk e ka hulumtuar atë se sa aktivë kanë qenë këta njerëz në vitet më të hershme të jetës së tyre.

Shumë dembel

Megjithatë, ky studim ka ardhur pasi që British Heart Foundation (Fondacioni Britanik i Zemrës) ka publikuar një raport i cili paralajmëron se njerëzit janë duke bërë shumë pak ushtrime.

Analiza e këtij raporti tregon se përqindja e të rriturve që nuk bëjnë ushtrime mesatare është:

• 69% në Portugali
• 55% në Poloni
• 46% në Francë
• 44% në Britani të Madhe
• 34% në Kroaci
• 26% në Gjermani
• me Holandën e cila është krahasimisht mirë me 14%

Julie Ward thotë: “Aktivitetet e rregullta fizike, pavarësisht moshës, janë të dobishme për zemrën dhe mund të të ndihmojnë të jetosh më gjatë.

Megjithatë, statistikat tona më të fundit tregojnë se gjysma e popullatës së Britanisë së Madhe nuk bëjnë fare ushtrime mesatare, shifër kjo që është më e madhe se në shumë vende të Evropës.

Porosia jonë është se çdo minutë ka vlerë, dhe se aktivete më të shtuara në përditshmërinë tuaj mund t’ju çojnë drejt përmirsimit të shëndetit të zemrës suaj.” /tesheshi.com/