Porcioni i duhur për organizmin tonë? Jo më peshore, për të qëndruar në formë dhe për të marrë sasinë e duhur të ushqimit që i duhet trupit, mjafton që ta masni ushqimin me pëllëmbën e dorës.
Në Itali është zhvilluar një studim lidhur me sasinë e ushqimeve që duhet konsumuar nga SINU (Società Italiana di Nutrizione Umana- Shoqata italiane e ushqyerjes së njeriut).
Studimi jep porcione të shprehura në gramë, por shpesh të matura me ndihmën e lugës, garuzhdes dhe gotës, thënë ndryshe në mënyrë shumë praktike.
Por kthesa e madhe mund të jetë nga një sistem anglez që mat gjithçka me dorë. Si masë referimi mbani parasysh se një porcion mishi duhet të jetë e madhe sa pëllëmba e dorës, dhe e trashë sa një tufë letrash, ose thënë ndryshe me një peshë prej 100 gramë. Një porcion ideal peshku, matet deri në gjatësinë e gishtave, rreth 150 gramë.
Ndërsa për peshqit me më shumë yndyrë si salmoni, porcioni ideal është sa pëllëmba e dorës. Porcioni i sallatave me fletë, duhet të jetë sa të dyja pëllëmbët e dorës, ose rreth 80 gramë, ashtu si dhe sallatat e tjera.
Ndërsa për makaronat, orizin dhe bukën, porcioni ideal është sa pëllëmba e dorës. Vaji, gjalpi dhe yndyra të tjera, duhet të jenë gjysmë grushti në ditë.
Një porcion çokollate duhet të ketë gjatësinë e gishtit tregues, ndërsa e djathit sa dy gishta edhe në trashësi. Për tortën, lejohet sa masa e dy gishtave./tesheshi.com/
