Studenti i mjekësisë, Naveed Khan është emëruar nga Progress 1000 e gazetës Evening Standard, në listën e njerëzve më me ndikim të Londrës për vitin 2016.
I propozuar në kategorinë “kampionët e barazisë”, Naveed u zgjodh për përkushtimin e tij për krijimin e një shoqërie më të barabartë, një angazhim që është reflektuar në punën e tij si kreu i grupit për të pastrehët që është krah i Acts of Random Kindness (ARK), fushatë kjo e udhëhequr nga shoqata islame KCL ISOC.
Projekti ARK ka ndërmarrë aksione për të ndihmuar të pastrehët, duke u ofruar ushqim e nevoja materiale, e dhe fushata të tilla si “Gatuaj për fqiun tënd” apo shpërndarjen e fletushkave në kampusin e studentëve për promovimin e veprave të mira. Si udhëheqës i ekipit në periudhën prej 2014-16, Naveed tani kryeson një komitet të shoqatave të tjera islame në Londër të cilat bëjnë punë të ngjashme dhe fushata të ndryshme në bashkëpunim me tjerët.
Krahas punës për KCL ISOC, Naveed është Drejtor Kombëtar për Charity Week UK, i cili ka mbledhur fonde në shumën prej 700,000 euro gjatë vitit të kaluar. Ky funksion i tij përfshin mbikqyrjen e gjashtë ekipeve të ndryshme rajonale në gjithë vendin, dhe grumbullimin e fondeve nga të gjitha projektet, me fokus të veçantë ndihmën e fëmijëve jetimë dhe atyre në nevojë.
Naveed në lidhje me këtë nominim thotë:
“Si student, gjëja e fundit që unë doja të bëja ishte të kënaqem vetëm me një diplomë fakulteti. Por kjo punë më ka mundësuar që t’i jap qëllim jetës time. Gjithë ajo çfarë kam bërë, është të dëshmoj veten si një musliman i mirë, dhe është arritje e madhe për mua që të çmohet kjo punë e imja nga një gazetë prestigjioze! Unë shpresoj se kjo do t’i motivojë të tjerët që të vazhdojmë të bëjnë punë të mira dhe të bëjnë ndryshime për mirë”. /tesheshi.com/
