Kreu i diplomacisë amerikane, John Kerry e ka përzgjedhur Shqipërinë në një konferencë të fundit për shtyp, për ta falenderuar lidhur me pranimin dhe strehimin e muxhahidinëve iranianë.
Ai ka folur për çështje të mprehta, si konflikti në Siri apo raportet me Moskën, por një vend të veçantë i ka kushtuar edhe faktit që Shqipëria u hapi dyert qindra eksponentëve të opozitës iraniane në ekzil, të cilët u transferuan nën hyqmin amerikan nga Iraku për në Shqipëri.
“Vizitova Tiranën gjatë këtij viti dhe diskutova me qeverinë shqiptare,se si mund t’i asistojmë për lehtësimin e transferimit dhe zhvendosjes së grupit të fundit të opozitës iraniane, MEK, pjesë e Kampit të Lirisë. Shqipëria ka një traditë të hershme në mbrojtjen e komuniteteve vulnerabël, siç ndodhi gjatë konfliktit në Kosovë apo dhe me një numër të madh herbrenjsh gjatë Luftës së Dytë Botërore. Jam shumë mirënjohës që edhe në këtë rast Shqipëria ishte e gatshme të luante një rol të rëndësishëm humanitar”, tha Kerry.
Por duhet kujtuar se afro tre vjet më parë, po qeveria e Tiranës e udhëhequr nga Edi Rama ia prishi Amerikës planin e dërgimit të armëve kimike siriane për demontim. Një valë protestash shpërthyen, gjë që e detyruan Ramën t’i thoshte Uashingtonit, “por dhe vetë sekretari Kerry një Jo”. Pas atij zhvilli u ndje një ftohtësi mes dy vendeve, derisa ngrohtësia rierdhi pas “Po”-së për muxhahedinët, reflektuar tek investimi i fortë amerikan për reformën në drejtësi. /tesheshi.com/
