Një partneritet i veçantë dhe me privilegje do të ishte një zëvendësues ndaj anëtarësimit të plotë.
Sipas propozimit, mbështetja financiare, aranzhimet speciale për qasje në tregjet evropiane dhe përfitime të tjera do t’u ofroheshin vendeve të Ballkanit Perëndimor në këmbim të një “tërheqjeje të heshtur” të anëtarësimit të plotë.
Sipas gazetës boshnjake “Nezavisne”, Franca po ushtron presion te partnerët e saj evropianë të heqin dorë nga qëndrimi i tyre kokëfortë në samitin evropian që të mos lejojnë që Maqedonia e Veriut dhe Shqipëria të fillojnë negociatat, dhe pastaj të zgjidhin çdo problem të mbetur gjatë hapjes së para- negociatat e pranimit.
Kjo është arsyeja pse zgjedhjet në Maqedoninë e Veriut janë caktuar për në prill për të parë nëse BE do të aprovojë vazhdimin e procesit të para-pranimit në mars.
Çështja e Bosnje-Hercegovinës gjithashtu duhet të diskutohet në Samitin e Marsit, me kusht që qeveria të formohet nga atëherë, dhe të merren hapa konkret për zbatimin e rekomandimeve të Komisionit Evropian.
Gazeta kujton gjithashtu se Gjermania i kishte ofruar një propozim të ngjashëm Turqisë dhjetë vjet më parë, duke i premtuar asaj një “partneritet të privilegjuar” në vend të anëtarësimit, por edhe në atë kohë, ajo u pa si një mënyrë elegante e heqjes dorë nga pranimi i Turqisë në BE.
Aleatët evropian kritikuan ashpër Francën, duke e akuzuar atë se duke hequr dorë nga axhenda e zgjerimit të BE-së, po e shtyn Ballkanin Perëndimor në duart e Rusisë, Turqisë dhe Kinës. /tesheshi.com/
