Britania i hapi rrugën dy ditë më parë procesit të Brexit-it; dalja nga BE-ja do të kërkojë jo pak kohë, teksa në diskutim janë shumë gjëra.
Sot është bërë e njohur dhe strategjia e BE-së për këto negociata, ku kuptohet përmes vijave orientuese të shpallura nga Donald Tusk se në bisedimet mes palëve do të ketë një qasje me faza, me negociatat që do të pasojnë në varësi të përparimit të tyre.
Kështu, bisedimet për një marrëveshje tregtare mund të fillojnë me të patur një progres të mjaftueshëm në marrëveshjen e ndarjes me Mbretërinë e Bashkuar, thotë mes të tjerash BBC-ja në raportimin e saj.
Projekti se mbi çfarë shinash do të ecin negociatat e Brexit-it do të kërkojë miratimin e 27 vendeve anëtare, ku përparësi do të jetë një largim i rregullt i Britanisë.
Donald Tusk, presidentit i Këshillit Europian, ka thënë në një konferencë shtypi në Maltë se shpresonte që të gjitha palët të kishin qëndrim pozitiv në bisedimet, të cilat ai e ka pranuar se do të jenë të vështira. /tesheshi.com/
