Sekretari i Përgjithshëm i NATO-s, Jens Stoltenberg tha se pranvera do të vendosë mbi hapat e mëtejshëm në angazhimin e Aleancës me Forcën e Sigurisë së Kosovës.
Ai tha se që në vitin 2013 janë sqaruar obligimet e Forcave të Sigurisë së Kosovës, kur është fjala për veriun e Kosovës, dhe se NATO-ja pret që autoritetet e Kosovës të respektojnë atë, por dhe të gjitha marrëveshjet e tjera.
“Ne presim që të vazhdojmë me atë që është rënë dakord dhe sqaruar në vitin 2013. Ky është vetëm një nga arsyet pse ne i dërgojmë një mesazh të qartë autoriteteve në Prishtinë se duhet të respektojnë marrëveshjet që kemi arritur me ta”, tha Stoltenberg. /tesheshi.com/
