Konservatori Kostis Stefanopulos, i cili qe president i Greqisë për një dhjetëvjeçar, ka ndërruar jetë në orët e vona të së dielës.
Shtypi grek bën me dije se politikani 90-vjeçar qe shtruar në një spital të Athinës që prej fillimit të javës së shkuar. Pneumonia duket të ketë qenë shkaku i shtrimit në spital, ndërkohë që mjekët kanë folur për një përkeqësim të shpejtë të gjendjes së tij.
Politikani konservator shërbeu si president nga viti 1995 në vitin 2005. Stefanopulos e mbajti detyrën e lartë për dy mandate, aq sa e lejon dhe kushtetuta greke.
Një jurist për nga profesioni, ai pati shumë portofole ministrore në një periudhë kohore mes 1974-s dhe 1981-shit.
Në fund të mandatit të dytë, Stefanopulos u tërhoq nga politika. /tesheshi.com/
