Dalja e Greqisë nga zona euro nuk do të ketë asnjë impakt thelbësor në rankimin e bankave jashtë shtetit helenik.
Lajmi është bërë i ditur nga agjencia amerikane Standard & Poor’s, e cila thotë se nga vitit 2011 dhe deri në shtatorin e vitit 2014, ekspozimi i përgjithshëm i shtetit në arenën ndërkombëtare, sa i takon çështjes ekonomike, thuajse është përgjysmuar.
Sipas analistit Osman Sattar, ekspert bankar në këtë agjenci, institutet evropiane kanë kufizuar ekspozim e drejtpërdrejtë në banka dhe në sektorin publik e privat në Greqi.
“Këto institucione kanë reduktuar në mënyrë të ndjeshme ekspozimin e tyre në shtetin helen që prej ristrukturimit të borxhit në këtë vend., në vitin 2012”,- ka thënë Sattar.
Në kuadrin e vlerësimit të monedhës, analisti bankar pranë Standard & Poor’s ka vlerësuar me 46 miliardë dollarë (42.8 miliardë euro) ekspozimin e drejtpërdrejtë të bankave në Greqi në muajin shtator të vitit 2014, me një ekspozim potencial që mund të arrijë deri në 22.8 miliardë dollarë (21.21 miliardë euro), e cila është një shumë thuajse e parëndësishme, në krahasim me vlerësimin pre j 138 miliardë dollarësh (128.4 miliardë euro) që i është bërë monedhës bankare në vitin 2011./tesheshi.com/
