Funksionimi i një qendre SPA në një sternë historike 1500-vjeçare pranë Hagia Sophia-s në Stamboll ka shkaktuar reagime.
Qendra e masazhit operohet nga biznesi Navitas Spa Sarnıç dhe ndodhet në hotelin Hilton me pesë yje.
Hapësira ku funksionon qendra SPA është një strukturë nëntokësore 1500 vjeçare, e cila daton që nga koha e Perandorisë Bizantine. Të tilla u ndërtuan për të ruajtur ujin, me qëllim furnizimin me ujë të Kostandinopojës. Kjo sternë e veçantë, me arkitekturën e saj mbresëlënëse, konsiderohet një shembull i rëndësishëm i trashëgimisë bizantine.
Sipas raportimeve të mediave turke, Ministria e Kulturës dhe Turizmit dhe Drejtoria e Përgjithshme e Pasurive Kulturore dhe Muzeve ngritën një padi kundër kompanisë në vitin 2023, pas disa ankesave.
“Nëse doni të shijoni një eksperiencë unike spa në një atmosferë magjike, zgjidhni Navitas Spa. Në zemër të Sultanahmetit, Hagia Sofia Mansions Istanbul, Curio Collection by Hilton strehon një qendër moderne SPA brenda një sterne historike 1500-vjeçare. Navitas SPA është një hapësirë ekskluzive Ëellness, që ofron shërbime të personalizuara, të nivelit të lartë”, shkruhet në faqen e internetit të kompanisë.
Pas ankesave dhe padisë së paraqitur nga Ministria Turke e Kulturës, bashkia lokale e rrethit Fatih vulosi këtë lloj biznesi duke mos iu përgjigjur ankesave. /tesheshi.com/
