Nuk është Rama por Meta ai që është gjendur krah presidentit Erdogan, e ndodhur kjo në përurimin e xhamisë më të madhe të Turqisë.
“Kënaqësi të merrja pjesë sot në inagurimin e xhamisë së re të Stambollit, Çamlica. Një vepër e rëndësishme shpirtërore, kulturore dhe arkitekturore në kryeqendrën dhe pikëtakimin e civilizimeve botërore”, shkruan presidenti shqiptar, duke publikuar fotot nga ceremonia.
E ndërtuar në stilin osman të arkitekturës selxhuke, karakteristikë e ish-Perandorisë Osmane, xhamia është e dukshme nga çdo pozicion i Stambollit.
Përveç xhamisë, kompleksi përmban një muze të artit turk e islam, si dhe një bibliotekë, galeri arti, sallë konferencash etj.
Gjashtë minaret e saj përfaqësojnë gjashtë aspekte kryesore të besimit.
Ndërsa kupola e saj e lartë 72 metra përfaqëson 72 kombet që jetojnë në qytet.
Gjashtëmbëdhjet emra të Allahut janë gdhendur në muret e brendshme të kupolës, duke simbolizuar numrin e shteteve të themeluara nga turqit gjatë histories – shkruan AA. /tesheshi.com/
