Portali i Kremlinit, Sputnik thekson se vizita private në Medvegjë e Presidentit Ilir Meta, ka arritur një rezultat edhe pas takimit me të dërguarit e Beogradit në Preshevë, Zoran Stankoviç dhe Nebojsha Arsiç, ka arritur që të gjejë një zgjidhje për çështjen e vendojes së flamurit kombëtar në Luginë, si dhe dërgimin e 35 titujve të teksteve shkollore.
Stankoviç, që është kreu i trupit koordinues për Serbinë jugore, deklaroi që vizita e Metës në Medvegjë është kryer në bashkëpunim me ambasadën serbe në Tiranë dhe ka disa rezultate në bisedime.
Stankoviç, ka thënë për Sputnik se është rënë dakord që tekstet shkollore do të kalojnë nëpërmjet një kontrolli të Ministrisë së Arsimit të Serbisë, në lidhje me kapitujt ku mund të akuzohet dhe të denigrohet Beogradi.
I dërguari i Beogradit në Luginë thekson se “është rëndë dakord që të krijohet një simbol apo logo e pakicës shqiptare në Luginën e Preshevës dhe nuk do të përdoret flamuri kuq e zi”.
Ndërkaq, kryetari i komunës së Medvegjës, Nebojsha Arsiç tha se komuniteti që ai kryeson “është një shembull i shkëlqyeshëm i marrëdhënieve të mira ndëretnike”.
Sputnik thekson se vizita e Ilir Metës në Luginën e Preshevës vijon dhe nesër. /tesheshi.com/
