Portali rus “Sputnik” dhe e njohura për shkrime kundra shqiptarëve, Brankica Ristiç, ka publikuar sot një anlizë u paralajmëron ndërshkimin e shqiptarëve të Luginës së Preshevës.
Provokacioni ndodhet që në titull: “Asgjë të keqe nuk ka nëse ndizen fishekzjarre në Preshevë”, ku me fishekzjarre nënkuptohet tjetër gjë, duke patur parasysh se përbën një lëndë plasëse.
Ja si shkruan “Sputnik”:
“Jonuz Musliu, Kreu i Këshillit Kombëtar të Shqiptarëve në Serbi, ka një dëshirë të vetme, që shqiptarët e Luginës të kenë të njëjtat të drejta si serbët e Kosovës.
Madje kjo frazë është paraqitur para anëtarëve të Komisionit për monitorimin Këshillin e Evropës, duke theksuar se nëse Serbia do të futet në BE, duhet të zbatojë të drejtat e shqiptarëve të kërcënuar.
Ndoshta ka të drejtë! Ja se çfarë të drejtat që gëzojnë serbët në Kosovë.
Në Evropë, nuk ka një popull tjetër si ai serb që jeton në Kosovë dhe Metohi.
Kanë privilegjin për të jetuar në shtëpinë e tyre si në një burg, ku fqinjët u vjedhin një traktor, drutë e zjarrit, lopën, i djegin shtëpinë dhe për këtë nuk është përgjegjës askush.
Vetëm serbët jetojnë në enklava në mes të Evropës; që nuk flasin sot gjuhën e tyre në dyqan, e ku fëmijët e tyre kurrë nuk kanë qenë në kryeqytet- Prishtinë .
Askush, madje as shqiptarët nga Serbia e jugut, nuk e kanë sakrilegjin si serbët e Kosovës që fëmijët e tyre të shkojnë në shkollë të shoqëruar nga ushtarë të armatosur deri në dhëmbë.
Nuk ka nevojë të përmendet se bashkatdhetarët e serbëve në Kosovë dhe Metohi janë gjithmonë të gatshëm për të përgatitur “fishekzjarre’” fqinjët e tyre, të tilla siç bënë shqiptarët ndaj serbëve në vitin 2004”.
Shikohet qartë provokacioni, pra “Sputnik”, si një mjet që gjithmonë parasheh apo parajep veprimet e shërbimeve sekrete dhe diplomacisë ruse, paralajmëron që në Preshevë të ketë trazira.
Trazira që as më shumë e as më pak parashikojnë djegie shtëpish dhe eksplozivë si në vitin 2004 në Kosovë.
Por tashmë po del të qartë se nga ajo që ndodhi në Kosovë në vitin 2004 nuk përfituan asgjë shqiptarët, përkundrazi u defaktorizuan.
Atëherë përse do ta bënin?
Pikërisht në momentin kur Serbia po bindet diplomatikisht të njohë Kosovën, në Ballkan po përgatitet një vatër tjetër e rrezikshme dhe kjo është Presheva… /tesheshi.com/
