Ylli japonez i bejsbollit, Shohei Ohtani, agjenti i lirë më i lakmuar në Major League Baseball (MLB), ka nënshkruar një kontratë me Los Angeles Dodgers, duke e bërë atë sportistin më të paguar në botë.
Edhe pse detajet e kontratës nuk dihen, mediat spekulojnë se është 700 milionë dollarë për dhjetë vjet besnikëri ndaj Los Angeles Dodgers, që është shuma më e madhe që i është paguar një sportisti në historinë e sportive dhe bejsbollit sigurisht.
“Kam vendosur të zgjedh Dodgers si ekipin tim të ardhshëm”, shkroi në Instagram Ohtani, i cili kaloi gjashtë vitet e para të karrierës së tij në MLB me Los Angeles Angels.
“Dhe për të gjithë tifozët e Dodgers, unë premtoj se gjithmonë do të bëj atë që është më e mira për ekipin dhe do të vazhdoj të bëj më të mirën për të qenë versioni më i mirë i vetes deri në ditën e fundit të karrierës sime, jo vetëm për Dodgers, por edhe për botën e bejsbollit”, ka shkruar 29-vjeçari japonez, shkruan Goal.
Ohtani, i cili nuk është paraqitur kurrë në një lojë playoff të MLB, i bashkohet një ekipi Dodgers që ka pasur tre sezone në dështim pasi triumfuan në Serinë Botërore 2020.
Ohtani, i cili gjuan dhe godet po aq mirë dhe shpesh krahasohet me legjendarin Babe Ruthe, u emërua lojtari më i vlefshëm i Ligës Amerikane muajin e kaluar, pavarësisht dëmtimeve që i ndërprenë sezonin e tij 2023. /tesheshi.com/
