Cristiano Ronaldo mund të jetë i njohur për veprimet arrogante brenda fushës së lojës, mirëpo jashtë saj është komplet një njeri ndryshe. Faqja “Look To The Stars”, që vëzhgon rregullisht veprat për bamirësi të yjeve të sportit, ka publikuar listën e 20 sportistëve më të impenjuar me bamirësi, në të cilën kryeson futbollisti i Real Madridit, Cristiano Ronaldo.
Portugezi i cili shpesh në të shkuarën ka dhuruar fonde për organizata humanitare dhe ndihmoi edhe vendlindjen e tij Madeira kur kjo e fundit u përmbyt, kohë më parë. Gjithashtu, Ronaldo kishte ndihmuar edhe banorët palestinezë në Gaza.
Në vendin e dytë renditet John Cena, “wrestler” dhe aktor me emër tashmë, në vendin e tretë renditet Serena Williams, ndërsa për befasi nuk është fare mes 20 sportistëve më bamirës Leo Mesi. /tesheshi.com/
