Dihet se top sportistët i duan gjërat e luksit, ndaj shpesh mbajnë ora, çmimet e të cilave i bëjnë shumë njerëz të trullosur.
Për shembull, Luka Modriç mban një orë Aquanaut Chronograph 5968A, e cila kushton rreth 50,000 euro, shkruajnë mediat kroate.
Sulmuesi i Bayernit, Robert Lewandowski, u shfaq në përzgjedhjen e futbollistit më të mirë në botë për vitin 2020 me orën Audemars Piguet, me vlerë 150 mijë euro.
Por e gjithë kjo nuk është asgjë në krahasim me orën e mbajtur nga Rafael Nadal.
Fituesi i sivjetmë i Australian Open mbante orën më të shtrenjtë që është parë ndonjëherë në fusha tenisi.
Bëhet fjalë për një orë të punuar me dorë të markës “Richard Mille” me vlerë më shumë se 1 milion euro.
Nadal ka një model RM 27-04 Tourbillon Rafael Nadal i cili është krijuar posaçërisht për tenistin spanjoll, dhe është prodhuar në vetëm 50 kopje.
Spanjolli nuk e heq as kur luan ndeshje.
“Në fillim, ne duhej të punonim ngushtë së bashku për ta rregulluar orën me kyçin tim. Tani ajo është bërë një pjesë e lëkurës sime”, tha Nadal në një rast.
Edhe rivali i Nadalit, Novak Djokoviç, mbante një orë sponsorizimi në US Open, por vlera e saj është “vetëm” 20 mijë euro. /tesheshi.com/
