Kryeministri Haradinaj, nuk ka qenë në gjendje të japë një përgjigje kur është pyetur nga gazetarët se si do të vepron qeveria me iniciativën e deputetëve për shfuqizimin e Gjykatës Speciale, të cilën kryesia e Kuvendit ia dërgoi sot.
“Është praktikë kjo procedurë, ne ende nuk e kemi marrë zyrtarisht shkresën dhe nuk e dimë çka përmban shkresa ose materiali i drejtuar. Por, ekzistojnë marrëdhëniet standard qeveria është e respektueshme ndaj parlamentit dhe e respekton çdo kërkesë, çdo procedurë. Nuk di si të iu them, si do të veprojmë për shkak se ende nuk e kemi marrë dhe nuk e dimë çka përmban kërkesa”, tha ai.
Kujtojmë se Kryesia e Kuvendit arriti që iniciativën e deputetëve për shfuqizimin e Speciales arriti ta dërgojë në qeveri, falë votave të Vetëvendosjes që bën kuorumin pas disa mbledhjeve të dështuara. /tesheshi.com/
