Radhën e ka Ilir Beqja që të procedohet nga SPAK, gjithsesi pra duke mos përfunduar në qeli si emra të tjerë të bujshëm, i fundit dhëndëri i Berishës, Jamambër Malltezi. SPAK ka vendosur së fundi një masë sigurie për Ilir Beqjan “detyrim me paraqitje dhe ndalim udhëtimi jashtë” dhe kjo pas afro dy muajsh që atij iu arrestua një ish-vartës me peshë për dosjen e sterilizimit kur Beqja ishte ministër Shëndetësie.
Në një sqarim publik, SPAK thotë për Ilir Beqjan:
Caktimin ndaj personit nën hetim I.B. me detyrë ish-Ministër i Shëndetësisë, të masës së sigurimit “Detyrim për paraqitje në Policisë gjyqësore” dhe “Ndalim i i daljes jashtë shtetit”, parashikuar nga nenet 234 dhe 233 të K.Pr.Penale, si i dyshuar për veprën penale të “Shpërdorimit të detyrës” e kryer në bashkëpunim, të parashikuara nga nenet 248 dhe 25 të Kodit Penal.
Urdhërohet personin nën hetim I. B. që të paraqitet para policisë gjyqësore të Byrosë Kombëtare të Hetimit, një herë në javë, ditë të premte, ora 15.30.
Urdhërohet personin nën hetim I.B. të mos largohet nga territori i Republikës së Shqipërisë pa autorizimin e gjykatës.
Ndalohet përdorimi i pasaportës dhe mjeteve të tjera identifikuese të vlefshme për daljen jashtë shtetit, për personin nën hetim I.B..
Vendimi për caktimin e masës së sigurimit personal është ekzekutuar nga Byroja Kombëtare e Hetimit dhe Drejtoria e Përgjithshme e Policisë së Shtetit (në datën 17.11.2023). /tesheshi.com/
