Deputet dibran i LSI-së, Përparim Spahiu ashtu siç kundërshtoi vettingu-n për të cilin “iu hoq veshi” nga partia, ka dalë tashmë edhe kundër ligjit të sapomiratuar të importit të përpunimit të mbetjeve.
Spahiu në fakt e ka dhënë një shenjë paralajmëruese, qyshse zgjodhi të abstenojë të enjten në Kuvend kur u votua projektligji; por ai tashmë ka vendosur t’u bashkohet edhe protestave të shoqërisë civile që pritet të startojnë më 1 tetor.
Siç dihet, Përparim Spahiu, një bankier me profesion, ka vendosur të sfidojë dhe kryetarin historik të LSI-së, Ilir Meta, në garën e pritshme për kreun e ri partisë. /tesheshi.com/
