Dita e sotme, e hënë 18 janar, është e hëna me e keqe e të gjithë vitit. Quhet “Blue Monday” dhe është e hëna më e trishtueshme për të gjithë. Shkencëtarët nuk është se i besojnë shumë këtij fenomeni, por në botën anglosaksone, e hëna e tretë e muajit janar është bërë një ditë shumë e veçantë për tu shënuar në kalendar.
Origjina e asaj që në Mbretërinë e Bashkuar është shndërruar në një lloj kujtese kombëtare, thuajse gati për tu zyrtarizuar në kalendar, është shpikur nga një profesor universitar, Cliff Arnall, i cili është bërë publik nëpërmjet një deklarate për shtyp nga Sky Travell, pas ekuacioneve të gjata ku janë përdorur tetë variabla: udhëtimi, vonesat, koha që i dedikohet aktiviteteve kulturale, koha e relaksit, koha e përdorur për të fjetur, , koha e kaluar në një periudhë stresuese, koha që duhet për të përgatitur valixhet, koha që duhet për tu përgatitur për të dalë nga shtëpia.
Kryeni shumë sport dhe aktivitete fizike, shfrytëzoni në maksimum çdo rreze dielli, tregohuni mirënjohës dhe altruistë, qeshni shumë, janë disa nga këshillat e dhëna nga tabloidët britanik.
Edhe ekspertët e British Dietetic Association sugjerojnë të bëni kujdes dhe të kaloni sa më lehtë të mundeni depresionin që do t’ju sjellë Blue Monday. “Ngrënia në sasi të mjaftueshme mund të ndihmojë njerëzit të superojnë ditën më të vështirë të vitit. Evitoni kafeinën, snakët energjikë dhe konsumoni vetëm ushqime që ju ndihmojnë për tretje të mirë, në mënyrë që të kapërceni me sukses Blue Monday”./tesheshi.com/
